تربية الكتاكيت من الالف الى الياء

[ندعوك للتسجيل في المنتدى أو التعريف بنفسك لمعاينة هذه الصورة]


تربية الكتاكيت من الالف الى الياء




ارجوكم افيدوني في هذا الموضوع بشده



انا كان عندي كتاكيت عددهم 60 كل يوم اتنين وثلاثه واربعه يموتوا.... واتنين وثلاثه واربعه يجلهم كساح


طبعا هتقولوا خايبه ومش بعرف اربي كتاكيت


عشان كده بكتبلكم تساعدوني بلييييييييييييييييييز

ارجوكم ارجوكم ارجوكم



عم الكتاكيت دلوقتي بقى اسبوعين والحمد لله مات نصفهم يعني مابقاش غير ثلاثين ومازال العد مستمر


وكمان بياكلوا عليقه كل يوم ب 16 جنيه


اجيب لهم فلوس منيييييييييييييييييييييييييييييين؟؟؟؟؟؟؟


خربوا بيتي والله يا خواتي


وعلى راي ماما ....هما بيكلوا ويموتوا؟؟؟؟؟



طيب اعمل ايه دلوني بسررررررررررررررررعه


واعمل ايه بدل العليقه؟؟؟؟؟؟



خرااااااااااااااااااااااااااااااااااب

ان شاء الله حد يساعدك


ربنا معاكي

انا مش عارفه بصراحه بس اللي اعرفه حاجات قليله جدا ومش متاكده منها قوى
اتمنى حد يكون فاهم اكتر يساعدك اكتر منى بس مش هبخل عليكى بالعلم حبيبتي
خدى عندك:

1- لازم تعرفي الميعاد المناسب لتربية الكتاكيت او بلغه اخرى الصيصان
بمعنى : الوقت المناسب هو دخلة الصيف او الشهر الذي يسبق الصيف يعني في الربيع
وكذلك الشتاء
بمعنى الشهر الذي يسبق الشتاء او الخريف

بس الاحسن خليكي في المضمون وخليها في الربيع

2- لو جبتي كتاكيت عمر يوم لازم اول يوم تشربيهم مياه بسكر فقط
اما تان يوم وتالت يوم ممكن مع المياه بالسكر تحطي عليقه بادي ناعمه

ولازم تكون ناعمه عشان الكتاكيت يعرفوا ياكلوها

3- قبل ماتجيبي الكتاكيت لازم توفري لهم مكان مناسب ليهم تماما يعني المكان مايكونش ضيق اوى ولا واسع اوى

4- لازم تاخدي بالك منهم كويس جدا يعني تفرديهم كل ما يحاولوا يتدفسوا في بعض عشان مايموتوش بعض

5- في اليوم العاشر ليهم بياخدوا التحصينات بتاعتهم لو كان عددهم قليل يعني مثلا 50 او 60 كتكوت يستحسن تحصينات القطره لضمان اخد كمية الدواء كامله
اما لو عددهم 1000 او في مزارع فبياخدوا التحصينات في المياه

6- لازم تتابعى امراضهم اول باول وفي فترة الشتاء بيكثر عندهم مرض اسمه كوكسيديا
وهو مرض الرطوبه وده بيسببلهم امساك شديد والمرض اى مرض بيبان في البراز بتاع الكتكوت
مرض الكوكسيديا احيانا بيبقى اسهال شديد شبه التفه او البصاق واحيانا اكثر بيكون امساك ودة بيكون شكله حاجات بيضاء او افرازات بيضاء بتنزل مع البراز


اما اذا كان الكتكوت بيعطس فده اكيد عنده برد بتحطي في المياه مضاد حيوي 500 من اى نوع ولكن يستحسن فلوموكس لانه مطهر ايضا

لو كان الكتكوت بتاعك بياكل ومش بيبان عليه فهو عنده ديدان فروحى للصيدلي البطري واطلبي شربة ديدان وحطيهالهم في المياه بس لازم تكونى معطشاهم الاول عشان تضمنى انهم ياخدوا الدواء

7- ماتنسيش الفيتامينات لازمه جدا جدا جدا

وتابعى اول باول مع الطبيب البيطري في الصيدليه البيطريه وربنا معاكي


نصيحه مهمه جدا جدا جدا

ما تجيبيش ما تجيبيش ما تجيبيش ما تجيبيش ما تجيبيش ما تجيبيش

كتاكيت ساسو ولا ابيض لانهم بياكلوا كتييييييييييييييييييييييييييييييييير جداااااااااااااااااااا

وضعااااااااااااااااااااااااف جدااااااااااااااااااااااااااااا وبيمرضوااااااااااااااااا كتييييييييييييييييييييييييير
وبيموتوااااااااااااااااااااااا كتييييييييييييييييييييييييييييييييير جدااااااااااااااااااااااااااااااا

يعنى موت وخراب ديااااااااااااااااااااااااااااااااااار

الاحسن الكتاكيت البلدى اللي تستحمل

نصيحه اخرىىىىىىىىىىىىىىىىىى:
يستحسن ماتجيبيش كتاكيت عمر يوم لكن جيبي على الاقل عمر اسبوع او تنين عشان يستحملوا معاكي شويه

بالتوفيق

تسلمي بنوته

جزاكي الله خيرا